ქეთი მელაძე - ის ფაქტი, რომ ტურისტების ზრდის მაჩვენებლებით საქართველო მოწინავე პოზიციაზეა, ნამდვილად მნიშვნელოვანი და ღირებულია

ის ფაქტი, რომ ტურისტების ზრდის მაჩვენებლებით საქართველო მოწინავე პოზიციაზეა, ნამდვილად მნიშვნელოვანი და ღირებულია, - აცხადებს გიდების ასოციაციის პრეზიდენტი ქეთი მელაძე. მისი თქმით, საქართველოს გიდების ასოციაციის სახელით შეუძლია დაადასტუროს, რომ ეს ფაქტი შეესაბამება რეალობას და გამოიხატება ტურისტულ გიდებზე გაზრდილი მოთხოვნით.

„ამავდროულად აღსანიშნავია, რომ საქართველოს სულ უფრო და უფრო მეტი მოქალაქე ინტერესდება გიდის პროფესიის შესწავლით. ისინი ამჩნევენ, თუ რაოდენ პერსპექტიული და საინტერესოა პროფესიაა, რომელიც საშუალებას მოგცემს გააცნო და შეაყვარო ქვეყანა სტუმარს.

აღსანიშნავია ისიც, რომ ქართული ტურიზმის სფერო სწორი მიმართულებით ვითარდება. ქვეყანა მიმზიდველია ყველა ტიპის ტურისტისთვის და ის კულტურული თუ ლანდშაფტური მრავალფეროვნება, რომელსაც საქართველო სთავაზობს სტუმრებს, ნამდვილად არ ტოვებს გულგრილს არავის. ძალზე კარგი სტატია გამოაქვეყნა ჟურნალმა "ფორბსმა" საქართველოს შესახებ, სადაც სწორედ ამ მრავალფეროვნებაზეა საუბარი და ხაზგასმულია ის ფაქტი, რომ საქართველო არის ახალი ტურისტული ტრენდი, რომელიც ხდება სულ უფრო და უფრო ცნობადი და მოთხოვნადი“, - აცხადებს ქეთი მელაძე, რომლის კომენტარს ტურიზმის ეროვნული ადმინისტრაცია ავრცელებს.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ