ქარიშხალ „ფლორენსის“ გამო, აშშ-ს პრეზიდენტმა ჩრდილოეთ და სამხრეთ კაროლინას შტატებში საგანგებო მდგომარეობა გამოაცხადა

ჩრდილოეთ და სამხრეთ კაროლინას შტატებში, რომლებსაც ქარიშხალი „ფლორენსი“ უახლოვდება, აშშ-ს პრეზიდენტმა დონალდ ტრამპმა საგანგებო მდგომარეობა გამოაცხადა. ამის შესახებ თეთრი სახლი იუწყება.

საგანგებო მდგომარეობის რეჟიმის გათვალისწინებით, ქარიშხლით გამოწვეული ზარალის ანაზღაურებაში ფედერალური ხელისუფლების წილი 75%-ს შეადგენს.

სამხრეთ კაროლინაში მოსახლეობის ევაკუაცია დაიწყო, 1 მილიონამდე ადამიანმა საკუთარი სახლები უნდა დატოვოს.

შეგახსენებთ, რომ მეოთხე კატეგორიის ქარიშხალი „ფლორენსი“ აშშ-ს აღმოსავლეთ სანაპიროს უახლოვდება. სინოპტიკოსების პროგნოზით, ის სანაპიროს უახლოესი ხუთი დღის მანძილზე მიაღწევს.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა