დონალდ ტრამპისა და კიმ ჩენ ინის მორიგი შეხვედრა, შესაძლოა, მიმდინარე წლის ბოლომდე შედგეს

აშშ-ს პრეზიდენტის დონალდ ტრამპისა და ჩრდილოეთ კორეის ლიდერის კიმ ჩენ ინის მორიგი შეხვედრა, შესაძლოა, მიმდინარე წლის ბოლომდე შედგეს. ამის შესახებ ეროვნული უსაფრთხოების საკითხებში აშშ-ს პრეზიდენტის თანაშემწემ ჯონ ბოლტონმა განაცხადა.

როგორც ვაშინგტონში ფედერალისტურ საზოგადოებასთან სიტყვით გამოსვლის შემდეგ ჯონ ბოლტონმა ჟურნალისტებს შეატყობინა, სავსებით სავარაუდოა, რომ ორი ქვეყნის ლიდერი ერთმანეთს 2018 წლის ბოლომდე შეხვდება.

მეტი დეტალები და ინფორმაცია მას ჟურნალისტებისთვის არ მიუწოდებია.

აქამდე თეთრი სახლის ოფიციალურმა წარმომადგენელმა სარა სანდერსმა განაცხადა, რომ აშშ-მა და ჩრდილოეთ კორეამ მუშაობა დაიწყეს დონალდ ტრამპსა და კიმ ჩენ ინს შორის ახალი შეხვედრის ორგანიზებაზე.

შეგახსენებთ, რომ ორი ლიდერის პირველი შეხვედრა სინგაპურში 12 ივნისს შედგა. შეხვედრის შედეგად დონალდ ტრამპმა და კიმ ჩენ ინმა ერთობლივი განცხადება მიიღეს, რომელშიც, კერძოდ, ოფიციალური ფხენიანი დენუკლეარიზაციის მზაობას გამოხატავს.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა