აშშ მზად არის ჰააგის საერთაშორისო ტრიბუნალის წინააღმდეგ მკაცრი ზომები მიიღოს, თუ ის ავღანეთში სავარაუდო სამხედრო დანაშაულების გამო ამერიკელების დევნას შეეცდება, - ამის შესახებ ეროვნული უსაფრთხოების საკითხებში აშშ-ს პრეზიდენტის მრჩეველმა ჯონ ბოლტონმა განაცხადა.
მისი თქმით, ტრამპის ადმინისტრაცია მზად არის, შემოიღოს სანქციები ჰააგის სასამართლოს პროკურორებისა და მოსამართლეების წინააღმდეგ, დააყადაღოს მათი აქტივები, აუკრძალოს აშშ-ში შესვლა და სისხლის სამართლის პასუხისგებაში მისცეს.
„ჩვენ მივმართავთ ყველა საჭირო ზომას, რათა ჩვენი და ჩვენი მოკავშირე ქვეყნების მოქალაქეები ამ უკანონო სასამართლოს მხრიდან უსამართლო დევნისგან დავიცვათ“, - განაცხადა ბოლტონმა.