11 სექტემბერს მართლმადიდებელი სამყარო იოანე ნათლისმცემლის თავისკვეთის დღეს აღნიშნავს. რელიგიის საკითხთა სახელმწიფო სააგენტოს ინფორმაციით, ამ დღეს ქრისტიანები მძიმე მარხვით აღნიშნავენ, ხოლო ტაძრებში ღვთისმსახურება აღევლინება.
„იოანე ნათლისმცემელი უდიდესი წინასწარმეტყველი და უფლის წინამორბედი იყო. სახარების მიხედვით უფალმა იესო ქრისტემ მისგან მიიღო ნათლობის მადლი - ნათლობა სინანულისა, სწორედ ამიტომ ეწოდა მას „ნათლისმცემელი“, რომელმაც იესო ქრისტეს სამოღვაწეო ასპარეზი განუმზადა.
იოანე ნათლისმცემლის სიკვდილი უკავშირდება ჰეროდე ანტიპას, ჰეროდეადასა და სალომეას, მათი ხელით მოწამეობრივად აღესრულა წინასწარმეტყველი“, - ნათქვამია ინფორმაციაში.