ირაკლი კობახიძე - ჩვენ ძალიან დიდი პროგრესი გვაქვს ყველა სფეროში

ჩვენ გვაქვს ძალიან დიდი პროგრესი ყველა სფეროში, - ამის შესახებ საქართველოს პარლამენტის თავმჯდომარემ საერთაშორისო კონფერენცია "მსოფლიო თავდაყირა - 2018"-ზე სიტყვით გამოსვლისას განაცხადა. ირაკლი კობახიძის თქმით, საქართველომ ასევე უდიდესი პროგრესი განიცადა ადამიანების უფლებების დაცვის მხრივ.

„მინდა მადლობა გადავუხადო მაკკეინის ინსტიტუტს ასეთი ღონისძიების ჩატარებისთვის და ასევე მინდა მადლობა გადავუხადო ჩვენ სტრატეგიულ მეგობარ ქვეყანას - ამერიკას. ამერიკა საქართველოს უმთავრესი სტრატეგიული მეგობარია და ჩვენ მოხარულები ვართ, რომ გვაქვს ასეთი ურთიერთობა ამ ქვეყანასთან. მე მინდა გამოვხატო ჩემი მადლიერება სენატორი ჯონ მაკკეინის მიმართ. სენატორი მაკკეინი იყო შეუდარებელი მეგობარი ჩვენი ქვეყნისათვის, რომელიც იყო ძლიერი პოლიტიკოსი და ძალიან დიდი პერსონა. ასევე ის იყო ძლიერი პოლიტიკური მოღვაწეობისა და საკუთარი პრინციპების შერწყმის საუკეთესო მაგალითი და ჩვენ ძალიან ვაფასებთ ამას. ჩვენ გვჯერა, რომ საქართველო სწორ გზაზე დგას. ჩვენ წარმატებულ რეფორმებს ვახორციელებთ ყველა მიმართულებით. ჩვენ ვაუმჯობესებთ დემოკრატიის მხრივ მიდგომებს ქვეყანაში და ამ დროის განმავლობაში ჩვენ ძალიან დიდი პროგრესი განვიცადეთ ადამიანების უფლებების დაცვის მხრივ, რომელიც არის ნებისმიერი ქვეყნის მთავარი მისწრაფება. ამ შემთხვევაშიც მინდა ვახსენო სენატორი მაკკეინი, რომელიც მკაცრად ეწინააღმდეგებოდა წამების იმ ფაქტებს, რომელიც ქართულ ციხეებში ხდებოდა 2012 წლამდე და მისი წვლილი ადამიანის უფლებებთან დაკავშირებული სიტუაციის გაუმჯობესებაში მნიშვნელოვანია“, - განაცხადა კობახიძემ.

საქართველოს პარლამენტის თავმჯდომარის თქმით, ქვეყანამ ასევე დიდი პროგრესი განიცადა მართლმსაჯულების სისტემაში. ირაკლი კობახიძემ ამ სფეროში გატარებულ რეფორმებს „განსაკუთრებით კარგი“ უწოდა.

„მინდა აღვნიშნო, რომ ასევე დიდი პროგრესი გვაქვს მართლმსაჯულების სისტემის მხრივ. მიუხედავად ოპოზიციის კრიტიკისა, ჩვენ გვაქვს ძალიან კარგი მიღწევები სასამართლო სისტემის მხრივ, რომელიც ასევე დადასტურებულია ციფრებით და კვლევებით“, - განაცხადა კობახიძემ.

პარლამენტის თავმჯდომარის თქმით, ქვეყანაში ვითარება ასევე გაუმჯობესებულია მედიის თავისუფლების მხრივ. პარლამენტის თავმჯდომარემ მედიის თავისუფლების ხარისხზე საუბრისას განაცხადა, რომ ეს საკითხი ქვეყნისათვის ერთ-ერთი მნიშვნელოვანია.

„მედიის თავისუფლების მხრივ ჩვენ გვაქვს ძალიან დიდი პროგრესი და წინგადადგმული ნაბიჯები. ჩვენ გვახსოვს რა მდგომარეობა იყო 2012 წლამდე ქვეყანაში. ქვეყნის მედიამაუწყებლების დიდი ნაწილი იყო ხელისუფლების კონტროლის ქვეშ. ახლა ეს ასე აღარ არის და ქართული მედია თავისუფლების ინდექსი არის ერთ-ერთი საამაყო ჩვენი ქვეყნისთვის“, - განაცხადა კობახიძემ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ