ექიმის ინფორმაციით, ზაზა სარალიძის ჯანმრთელობის მდგომარეობა დამაკმაყოფილებელია, თუმცა ჯერჯერობით კლინიკაში რჩება

ზაზა სარალიძის ჯანმრთელობის მდგომარეობა ამ მომენტისთვის დამაკმაყოფილებელია, - ამის შესახებ „ინგოროყვას კლინიკის“ ექიმმა რეანიმატოლოგმა გიორგი გაფრინდაშვილმა „ტვ პირველის“ ეთერში განაცხადა. მისივე თქმით, სარალიძეს დამატებითი კვლევები უნდა ჩაუტარდეს და პაციენტის კლინიკიდან გაწერის ზუსტი დრო არ იცის.

„პაციენტის მდგომარეობა ამ მომენტისთვის დამაკმაყოფილებელია, თუმცა, საყურადღებოა იმ კუთხით, რომ გამოხატულია გლუკოზის მომატება სისხლში, ნორმაზე მაღალ ციფრებში, ასევე არის ჰიპოვოლემიური მდგომარეობა, რომელიც საჭიროებს კორექციას და რომელიც ამ წუთებში მიმდინარეობს. პაციენტს ასევე ჩაუტარდება დამატებითი გამოკვლევები და ამის შემდეგ გადაწყდება მისი კლინიკიდან გაწერის საკითხი“, - განაცხადა ექიმმა.

შეგახსენებთ, რომ ხორავას ქუჩაზე მოკლული მოზარდის მამა ზაზა სარალიძე რუსთაველის გამზირზე მიმდინარე აქციაზე შეუძლოდ გახდა, მანამდე კი აქციის მონაწილეებსა და პოლიციის თანამშრომლებს შორის დაპირისპირება მოხდა. საპატრულო პოლიციის თანამშრომლებმა აქციის მონაწილეებს კარვის გაშლის საშუალება არ მისცეს.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა