„ბლუმბერგის“ ინფორმაციით, იაპონური კომპანია Nomura Holdings აქვეყნებს იმ განვითარებადი ქვეყნების სიას, რომლებიც სავალუტო რისკის ქვეშ არიან. ეს ქვეყნებია: შრილანკა, სამხრეთ აფრიკა, არგენტინა, პაკისტანი, ეგვიპტე, თურქეთი და უკრაინა.

გამოცემის ინფორმაციით, იაპონური კომპანია ასახელებს რვა ქვეყანას, რომლებიც დაბალი სავალუტო რისკის ქვეშ არიან: ბრაზილია, ბულგარეთი, ინდონეზია, ყაზახეთი, პერუ, ფილიპინები, რუსეთი და ტაილანდი.

აღნიშნული კომპანიის გათვლები ითვალისწინებს ისეთ ფაქტორებს, როგორებიცაა სავალუტო რეზერვების მოცულობა, ვალის დონე, საპროცენტო განაკვეთი და საიმპორტო გადაფარვა. სააგენტოს ცნობით, სწორედ მისი დახმარებით მოხერხდა სავალუტო კრიზისების ორი მესამედის გათვლა განვითარებად ქვეყნებში 1996 წლიდან.