მარიხუანას მოხმარებასთან დაკავშირებულ საკითხებზე საპატრიარქო კონფერენციას გამართავს

საპატრიარქოს წმიდა ანდრია პირველწოდებულის სახელობის ქართულ უნივერსიტეტში 12 სექტემბერს სამეცნიერო-პრაქტიკული კონფერენცია გაიმართება. კონფერენციის თემაა „ნარკოპოლიტიკა საქართველოში - გამოწვევები და საერთაშორისო გამოცდილება“, რომლის ორგანიზატორები არიან საქართველოს საპატრიარქო, ა(ა)იპ „დემოკრატიული მმართველობის და ინოვაციების ინსტიტუტი“ (IDGI) და საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტი.

როგორც „ინტრპრესნიუსს“ ღონისძიების ორგანიზატორებმა აცნობეს, სამეცნიერო-პრაქტიკულ კონფერენციაზე მიწვეული არიან საქართველოს მთავრობის წევრები, საქართველოს პარლამენტის კომიტეტების ხელმძღვანელები, საკონსტიტუციო სასამართლოს მოსამართლეები, იურისტები, ნარკოლოგები, ფსიქოლოგები, ფსიქიატრები, აკადემიური წრეების წარმომადგენლები და თემით დაინტერესებული საზოგადოება.

კონფერენცია იმუშავებს დღის განმავლობაში ორ ნაწილად. კონფერენციის პირველ ნაწილში გაკეთდება ექვსი მთავარი მოხსენება. კონფერენციაზე მომხსენებლების მიერ მოხდება მეცნიერული და პრაქტიკული გამოცდილების საფუძველზე ანალიზი იმისა, თუ რა გავლენას ახდენს ზოგადად ნარკოტიკების და კერძოდ მარიხუანას მოხმარება პიროვნების ჯანმრთელობაზე და მის მენტალურ განვითარებაზე. კონფერენციის მეორე ნაწილი დაეთმობა სექციურ მუშაობას, თემაზე: „პრობლემები და საფრთხეები დღევანდელი ნარკოპოლიტიკის რეგულირებაში“. პანელის მონაწილეებს მიეცემათ საშუალება, მომხსენებლებთან შევიდნენ დებატებში მოხსენებების თემებთან მიმართებაში. კონფერენცია მიიღებს მიმართვას პარლამენტისადმი და გაერთიანებული ერების ორგანიზაციისადმი“, - აცხადებენ ორგანიზატორები.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ