ავღანეთში, ნანგარჰარის პროვინციაში საპროტესტო აქციაზე აფეთქების შედეგად დაღუპულთა რიცხვი 68-მდე, დაშავებულთა კი - 165-მდე გაიზარდა. ამის შესახებ სააგენტო Pajhwok იუწყება.
მანამდე ადგილობრივი მედია 32 დაღუპულისა და 128 დაშავებულის შესახებ წერდა.
შეგახსენებთ, რომ მოჰმანდ დარას რაიონში თვითმკვლელმა ტერორისტმა თავი აიფეთქა. საპროტესტო აქცია, რომელზეც აფეთქება მოხდა, რაიონის პოლიციის უფროსის გადადგომის მოთხოვნით მიმდინარეობდა.
ავღანეთში მოქმედ არც ერთ დაჯგუფებას საკუთარ თავზე პასუხისმგებლობა ჯერჯერობით არ აუღია. რადიკალურმა მოძრაობამ „თალიბანმა“ ტერაქტთან კავშირი უარყო.