პრეზიდენტი - 5 წლის განმავლობაში ჩემი ბევრი ბრძოლა წაგებული აღმოჩნდა, მათ შორის ეროვნულ საბჭოსთან დაკავშირებით

არიან სხვებიც, ვისაც ამ საქმის კეთება შეუძლიათ, - ამის შესახებ საქართველოს პრეზიდენტმა გიორგი მარგველაშვილმა განაცხადა. პრეზიდენტმა საერთაშორისო კონფერენციაზე, "მსოფლიო თავდაყირა - 2018" უპასუხა კითხვას, თუ რატომ არ დააყენა თავისი კანდიდატურა საპრეზიდენტო არჩევნებზე.

"ფაქტია, რომ სხვებიც არიან, ვისაც ამ საქმის კეთება შეუძლიათ. მე პირველი დღიდან ბოლო დღემდე ვიცავდი ღირებულებებს. პრეზიდენტს ახლა ახალი მანდატი აქვს. მუდმივად იცვლება კონსტიტუცია და პროცესი დრამატულია. ძალიან რთულია, იცოდე, რა წერია შენი სამუშაოს აღწერილობაში, რადგან ის ხშირად იცვლება. თუმცა მნიშვნელობა არ აქვს როგორია მისი უფლებამოსილებებები, მთავარია, რომ საქართველო არის სუვერენული ქვეყანა, რომელსაც აქვს უფლება დაიცვას თავი და აირჩიოს მოკავშირეები. ოკუპაცია მოუღებელი იქნება და ეს უნდა ოყოს პრეზიდენტის მისია, რომ დაიცვას ეს პოზიცია ყველა ტრიბუნაზე", - განაცხადა გიორგი მარგველაშვილმა.

მისივე თქმით, თავისი კანდიდატურის არ დაყენებით პოლიტიკურ სუბიექტებს თანაბარი სათამაშო ველი შეუქმნა.

"მე სულ ვამბობდი, რომ "ქართულ ოცნებას" არ უნდა ჰყავდეს თავისი პრეზიდენტი და როგორც ჩანს, ეს გზავნილი გაითვალისწინეს. რაც შეეხება ჩემს კანდიდატურას, მე შევთავაზე პოლიტიკურ სპექტრს თანაბარი სათამაშო მოედანი და რამდენად გამოიყენებენ ამ თანაბარ სათამაშო მოედანს, ეს მათი გადასაწყვეტია", - განაცხადა პრეზიდენტმა.

გიორგი მარგველაშვილის თქმით, ის პატივს სცემს შემდეგ პრეზიდენტს და არ აქვს მნიშვნელობა, თუ ვინ იქნება ის.

"მე პატივს ვცემ შემდეგ პრეზიდენტს და არ აქვს მნიშვნელობა, ვინ იქნება ის. მე პატივს ვცემ ინსტიტიტს, რომლისთვისაც 5 წელი ვიბრძოდი. ბევრი ბრძოლა წაგებული აღმოჩნდა, მათ შორის ეროვნულ საბჭოსთან დაკავშირებით", - განაცხადა მარგველაშვილმა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ