ლევან გოგიჩაიშვილი - მარგველაშვილმა კონფერენციაზე საკუთარი თავის ირგვლივ ისაუბრა, ეს ადამიანი ვერ აცნობიერებს რას ნიშნავს პრეზიდენტობა

პრეზიდენტი ვერ გაცდა თავის სიბრაზეს, - ასე აფასებს საპარლამენტო უმრავლესობის წევრი ლევან გოგიჩაიშვილი პრეზიდენტის მიერ დღეს გაკეთებულ განცხადებას, მათ შორის ბიძინა ივანიშვილთან და "ქართულ ოცნებასთან" დაკავშირებით.

ლევან გოგიჩაიშვილის თქმით, პრეზიდენტს დღევანდელი პლატფორმა სხვა თემებისთვის უნდა გამოეყენებინა, თუმცა ასე არ მოიქცა.

"დღეს ვნახეთ ადამიანი, რომელიც ამ გარემოში ცდილობდა ეთამაშა "ნაციონალური მოძრაობის" და ოპოზიციური ძალების განწყობაზე და მათ ძალიან მოეწონათ პრეზიდენტის გამოსვლა. ყურადღება ჰქონდა გადატანილი "ქართულ ოცნებაზე", თუმცა ჰქონდა შანსი და ეს აუდიტორია უფრო მეტად უნდა გამოეყენებინა იმ პრობლემებზე სასაუბროდ, რაც ქვეყანას აქვს. უნდა ესაუბრა იმ გამოწვევებსა და საფრთხეებზე, რაც ქვეყანას აქვს როგორც გარეთ ისე ქვეყნის შიგნით, მათ შორის "ნაციონალურ მოძრაობაზე", რომელიც სფრთხეა ქვეყნისთვის. ის ვერ გაცდა თავის სიბრაზეს, შინაგან კონფლიქტს და ხაზი გაუსვა იმას, თუ როგორ იჩაგრება ამ პერიოდის განმავლობაში. საკუთარი თავის ირგვლივ ისაუბრა, ამ საკითხს ვერ გაცდა. მისი აქცენტები ნიშნავს, რომ ეს ადამიანი ვერ აცნობიერებს იმას, თუ რას ნიშნავს პრეზიდენტობა. ამ პლატფორმას პრეზიდენტი გაცილებით სერიოზული თემებისთვის უნდა იყენებდეს, ვიდრე ეს არის მისი პირადი გრძნობები "ქართულ ოცნებასთან". მე ვფიქრობ, როგორც დაიწყო ისე ამთავრებს პრეზიდენტი მარგველაშვილი თავის ვადას და არაფერი დასამახსოვრებელი მისი მოღვაწეობიდან არ იქნება", - განაცახდა გოგიჩაიშვილმა.

პრეზიდენტმა საერთაშორისო კონფერენციაზე, "მსოფლიო თავდაყირა - 2018" განაცხადა, რომ ის პატივს სცემს შემდეგ პრეზიდენტს და არ აქვს მნიშვნელობა, თუ ვინ იქნება ის.

"მე პატივს ვცემ შემდეგ პრეზიდენტს და არ აქვს მნიშვნელობა, ვინ იქნება ის. მე პატივს ვცემ ინსტიტიტს, რომლისთვისაც 5 წელი ვიბრძოდი. ბევრი ბრძოლა წაგებული აღმოჩნდა, მათ შორის ეროვნულ საბჭოსთან დაკავშირებით", - განაცხადა მარგველაშვილმა.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)