სპეცოპერაციის დროს მოკლული თემირლან მაჩალიკაშვილის მამა მალხაზ მაჩალიკაშვილი აცხადებს, რომ საპროტესტო აქციები გაგრძელდება. მისივე თქმით, აქციებზე კვლავ იგივე მოთხოვნები იქნება დაყენებული.
„დღევანდელი ჩვენი გეგმა პროტესტის გაგრძელებაა. დარჩება ის მოთხოვნები, რომელიც ჩვენ გვაქვს. არ შევაჩერებთ აქციებს. სიმართლე რომ გითხრათ, არც ველოდებოდი 24 საათში რაიმე რეაგირებას. ამათ ადამიანური თვისებები არ გააჩნიათ. ამათ გულის მაგივრად ლოდი უდევთ. ერთადერთი რჩება, რომ ჯანსაღი ადამიანები ჩაენაცვლონ მათ“, - განაცხადა მაჩალიკაშვილმა.
ზაზა სარალიძე და მალხაზ მაჩალიკაშვილი აქციებს პარლამენტის წინ 10 სექტემბრიდან მართავენ.