ზაზა სარალიძე - ან ჩემს ცხედარს გაიტანენ პარლამენტის ტერიტორიიდან, ან სამართალს მივაღწევ - ასეთ ცხოვრებას სიკვდილი მირჩევნია

ხორავას ქუჩაზე მოკლული მოზარდის მამა, დავით სარალიძე ინგოროყვას სახელობის კლინიკიდან გაწერეს. კლინიკიდან სარალიძე კვლავ პარლამენტის შენობასთან მივიდა და როგორც განაცხადა, ექიმების მოთხოვნის მიუხედავად, შიმშილობის შეწყვეტას არ აპირებს. სარალიძის თქმით, გაგრძელდება როგორც შიმშილობა, ისე აქციები უცვლელი მოთხოვნებით.

„ჯანმრთელობის მხრივ ახლა ნორმალურად ვარ. ჩემი ცუდად გახდომა გამოიწვია როგორ ჩანს, დიაბეტის პრობლემამ და შიმშილობამ. ექიმების მოთხოვნის მიუხედავად, შიმშილობას მაინც ვაგრძელებ. მე დასაკარგი არაფერი მაქვს, სანამ ჩემს მიზანს არ მივაღწევ. მოთხოვნები იგივე რჩება და აქციას ვაგრძელებ ჩვეულებრივად, სანამ არ მივაღწევ ჭეშმარიტებას ან ჩემს ცხედარს გაიტანენ აქედან, ან მივაღწევ აუცილებლად იმ სამართალს, რაც ჩემს შვილს ეკუთვნის. ასეთ ცხოვრებას სიკვდილი მირჩევნია“, - განაცხადა ზაზა სარალიძემ.

ზაზა სარალიძე გუშინ, პარლამენტთან მიმდინარე აქციაზე შეუძლოდ გახდა. მან გონება დაკარგა, რის გამოც სასწრაფო დახმარების ბრიგადი გამოძახება გახდა საჭირო. სარალიძე ინგოროყვას კლინიკაში წუხელვე გადაიყვანეს.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს