საქართველოში სამუშაო ვიზიტი ესტონეთის პრეზიდენტმა კერსტი კალიულაიდიმ მუხათგვერდის სასაფლაოზე არჩილ ტატუნაშვილის ხსოვნისადმი პატივის მიგებით დაიწყო. ამის შესახებ „ინტერპრესნიუსს“ პრეზიდენტის ადმინისტრაციის პრესსამსახურიდან აცნობეს.

მათივე ინფორმაციით, მუხათგვერდის სასაფლაოზე ესტონეთის პრეზიდენტი საქართველოს პრეზიდენტის ადმინისტრაციის უფროსთან ერთად იმყოფებოდა და ძმათა სასაფლაო გვირგვინით შეამკო.