ნატო-სკენ მომავალი გზა ერთ დღე-ღამეში გასავლელი არ არის და ჩვენ უნდა დავეხმაროთ საქართველოს ამ გზის გავლაში, - ამის შესახებ აშშ-ს სახელმწიფო მდივნის თანაშემწემ ევრაზიის საკითხებში უეს მიტჩელმა მაკკეინის ინსტიტუტის მიერ ორგანიზებულ საერთაშორისო კონფერენციაზე განაცხადა.

მისივე თქმით, ამერიკის შეერთებული შტატები აგრძელებს საქართველოს მხარდაჭერას.

„საქართველოს არჩევანია იყოს დასავლეთის ნაწილი. აშშ აგრძელებს საქართველოს მხარდაჭერას და ხორციელდება არაერთი პროგრამა. ამის მაჩვენებელია ის, რომ საქართველოს თავდაცვისთვის გადმოეცა „ჯაველინები". საქართველო აქტიურად იღებს მონაწილეობას სამშვიდობო მისიებში“, - განაცხადა მიტჩელმა.