დავით ზალკალიანი - ჩვენ ყოველთვის მკაფიოდ ვაცხადებთ, რომ 2008 წელს საქართველოს მიმართ განხორციელდა აგრესია და ოკუპაცია
2008 წელს საქართველოს მიმართ რუსეთის მხრიდან განხორციელდა აგრესია და ოკუპაცია, - ამის შესახებ ჟურნალისტებს საქართველოს საგარეო საქმეთა მინისტრმა დავით ზალკალიანმა განუცხადა. მისი თქმით, საქართველოს ხელისუფლება მუდმივად აცხადებს, რომ ეს იყო რუსეთის მხრიდან ოკუპაცია და აგრესია.
„2008 წელს საქართველოს მიმართ განხორციელდა აგრესია და საქართველოს ოკუპაცია, რომელიც გაცილებით ადრე დაიწყო. უნდა აღინიშნოს, რომ ჩვენ ყოველთვის მკაფიოდ ვაცხადებთ, რომ ეს იყო ოკუპაცია და აგრესია, რომელიც დღესაც გრძელდება. უფრო მეტიც, ის არაკანონიერი ქმედება, რომელსაც რუსეთი ახორციელებს ოკუპირებულ ტერიტორიებზე, არის ფაქტობრივი ანექსიისკენ გადადგმული ნაბიჯი. ეს არის ჩვენი ცალსახად გაცხადებული ოფიციალური პოზიცია“, - განაცხადა ზალკალიანმა.
