თურქეთის საელჩოს ინფორმაციით, 2018 წლის 13-17 სექტემბერს, საქართველოში, ფოთის პორტში შემოვა გემი სახელად TCG BAYRAKTAR (L-402), რომელზეც ეროვნული თავდაცვის უნივერსიტეტის საზღვაო სამხედრო სასწავლებლის პირველი კურსის კურსანტები გაივლიან საზღვაო სწავლებას.
მათივე ცნობით, გემი TCG BAYRAKTAR (L-402) ფოთის პორტში შემოვა მიმდინარე წლის 13 სექტემბერს, 09:00 სთ-ზე და გაემგზავრება 17 სექტემბერს 09:00 სთ-ზე. ვიზიტის მიზანი ერთი აკადემიური წლის განმავლობაში მიღებული თეორიული ცოდნის პრაქტიკული განმტკიცებაა.
პორტში ვიზიტის განმავლობაში, 13-დან 17 სექტემბრამდე, გემ TCG BAYRAKTAR (L-402)-ზე იქნება 512 პირი.