კახა კალაძე - სალომე ზურაბიშვილს შეუძლია იქცეს საქართველოს ისტორიაში პირველ ზეპარტიულ, მიუკერძოებელ და პირველ ქალ პრეზიდენტად

სალომე ზურაბიშვილს ზურგს უმაგრებს დიდი პოლიტიკური გამოცდილება და შეუძლია იქცეს საქართველოს ისტორიაში პირველ ზეპარტიულ, მიუკერძოებელ და ასევე პირველ ქალ პრეზიდენტად, - ამის შესახებ „ქართული ოცნების“ გენერალურმა მდივანმა კახა კალაძემ ქუთაისში სალომე ზურაბიშვილის ამომრჩეველთან შეხვედრაზე განაცხადა.

კახა კალაძემ სალომე ზურაბიშვილს არჩევნებში წარმატებები უსურვა და განაცხადა, რომ მას „ქართული ოცნების“ პოლიტიკური გუნდის სრული მხარდაჭერა აქვს.

„ქართული ოცნება - დემოკრატიული საქართველოს“ ერთ-ერთი მთავარი მისიაა დემოკრატიული ინსტიტუციების განვითარება და გაძლიერება ქვეყანაში. ჩვენ ვართ ის გუნდი, ის პარტია, რომელიც ზრუნავს არა თავის პოლიტიკურ კომფორტზე და ხელისუფლების გამყარებაზე, არამედ ქვეყანაში მიმდინარე პოლიტიკური პროცესების სიჯანსაღეზე და დემოკრატიის პროგრესზე. ჩვენს გუნდს ხალხისგან მინიჭებული აქვს მაღალი ნდობა, რასაც ადასტურებს ის ფაქტი, რომ ხელისუფლების ყველა დონეზე, პარტია „ქართული ოცნება“ არის წარმოდგენილი უმრავლესობით. ბუნებრივია, ასეთი მაღალი ლეგიტიმაციის პირობებში, ჩვენთვის მნიშვნელოვანია, რომ ქვეყანაში კიდევ უფრო აქტიურად მიმდინარეობდეს ჯანსაღი პოლიტიკური პროცესები და მმართველობის პროცესში, მაქსიმალურად იყოს უზრუნველყოფილი პლურალიზმი. ეს არის ის ძირითადი მოტივი და პრინციპები, რის გამოც პარტია „ქართულმა ოცნებამ“ 2018 წლის საპრეზიდენტო არჩევნებზე არ წარადგინა თავისი კანდიდატი და გვგონია, რომ მნიშვნელოვანია მოსახლეობამ ხმა მისცეს, ზეპარტიულ, მიუკერძოებელ კანდიდატს, რომელიც გაატარებს, არა რომელიმე პოლიტიკური ჯგუფის, არამედ ქვეყნის სასიკეთო ინტერესებს. ასეთ კანდიდატად ჩვენს პარტიას სალომე ზურაბიშვილი ესახება. მას ზურგს უმაგრებს დიდი პოლიტიკური გამოცდილება და შეუძლია იქცეს საქართველოს ისტორიაში პირველ ზეპარტიულ, მიუკერძოებელ და ასევე პირველ ქალ პრეზიდენტად. ჩვენს გუნდს მიაჩნია, რომ მიუკერძოებელი კანდიდატის მხარდაჭერა ხელს შეუწყობს ახალი კონსტიტუციის პირობებში პრეზიდენტის როლის სწორად გააზრებას, სწორი ტრადიციის დამკვიდრებას პრეზიდენტის ინსტიტუტთან მიმართებაში“, - განაცხადა კახა კალაძემ.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა