სასოფლო-სამეურნეო პროდუქციის პირველადი წარმოების სერტიფიცირების შესახებ შეხვედრა გაიმართება

საქართველოს ფერმერთა ასოციაციის ინიციატივით, ხვალ, სასტუმრო „რუმსში“ სასოფლო-სამეურნეო პროდუქციის პირველადი წარმოების სერტიფიცირების შესახებ (გეოგაპი/GeoGAP) შეხვედრა გაიმართება, რომელსაც საქართველოში მოქმედი მასერტიფიცირებელი და საკონსულტაციო კომპანიების წარმომადგენლები, სურსათის უნვებლობის ექსპერტები და გეოგაპის საპილოტე ფერმერები დაესწრებიან.

როგორც „ინტერპრესნიუსს“ საქართველოს ფერმერთა ასოციაციიდან აცნობეს, გეოგაპის მიზანია უვნებელი და მიკვლევადი ხილ-ბოსტნეულის მწარმოებელი ფერმერების სერტიფიცირება, რომლებიც უზრუნველყოფენ პროდუქციის მიღებასა და რეალიზაციას Geo GAP სტანდარტის მოთხოვნების შესაბამისად ფერმერული მეურნეობის ეკონომიკური, სოციალური და გარემოსდაცვითი ასპექტების გათვალისწინებით.

მათივე ცნობით, საქართველოს ფერმერთა ასოციაციის მიზანია, მწარმოებლის სერტიფიცირების გზით, უზრუნველყოს ქვეყანაში პირველადი წარმოების პროდუქციის ხარისხის გაზრდა და შენარჩუნება. ასევე, სასურსათო უსაფრთხოების მდგომარეობის გაუმჯობესება. ის სტანდარტები, რომლის დანერგვასაც აპირებს ფერმერთა ასოციაცია, ძალიან დაეხმარება მცირე და საშუალო ფერმერებს პროდუქტის ხარისხის გაუმჯობესებაში. ეს აუცილებელია იმისთვის, რომ მათი პროდუქცია საერთაშორისო ბაზარზე იყოს კონკურენტუნარიანი.

„ჩვენ გვინდა, რომ შევქმნათ ადგილობრივი სტანდარტი, რათა ფერმერებს თავიდანვე სტანდარტიზირებული პროდუქტი ჰქონდეთ. იმ შემთხვევაში თუ ფერმერები მოინდომებენ პროდუქციის ექსპორტზე გატანას, თანხვედრაში იყოს საერთაშორისო ბაზრის მოთხოვნებთან“, - აღნიშნა ფერმერთა ასოციაციის თავმჯდომარემ ნინო ზამბახიძემ.

საქართველოს ფერმერთა ასოციაციამ სასოფლო-სამეურნეო პროდუქციის (ხილ-ბოსტნეულის) პირველადი წარმოების ადგილობრივი სტანდარტი - გეოგაპი (GeoGAP) USAID-ის მხარდაჭერით პროექტ "ზრდა საქართველოში"-ს ფარგლებში შეიმუშავა.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
კორონავირუსის გავლენა ეკონომიკაზე  -  1.1 ტრილიონიანი დანაკარგი
ყველა ბიზნეს პროცესის ავტომატიზაცია - Nova-სა და BDO-ს პარტნიორობა
აღნიშნეთ დედის დღე სასტუმრო „ქორთიარდ მარიოტში“ (R)