ირაკლი კობახიძე - საქართველოს აშშ-ის მხრიდან ასეთი მხარდაჭერა არასდროს ჰქონია და ეს ჩვენი ხელისუფლების ძალიან თანმიმდევრული და სწორი პოლიტიკის შედეგია

საქართველოს აშშ-ის მხრიდან ასეთი მხარდაჭერა არასდროს ჰქონია და ეს რა თქმა უნდა ჩვენი ხელისუფლების ძალიან თანმიმდევრული და სწორი პოლიტიკის შედეგია, - ამის შესახებ პარლამენტის თავმჯდომარემ ირაკლი კობახიძემ ჟურნალისტებს აშშ-ის კონგრესში სირიის მიერ საქართველოს ოკუპირებული რეგიონების დამოუკიდებლობის აღიარების დამგმობი რეზოლუციის წარდგენის შეფასებისას განუცხადა.

მისი თქმით, საქართველოს უპრეცედენტო მხარდაჭერა გააჩნია ამერიკელი პარტნიორების მხრიდან. კობახიძე ამ მხარდაჭერის ნათელ მაგალითებად იმ დოკუმენტებს ასახელებს, რომელიც კონგრესმა თუ ამერიკის მთავრობამ მიიღო.

„მხარდაჭერა რომელსაც გვიცხადებენ ჩვენი ამერიკელი მეგობრები, განსაკუთრებით ბოლო ორი წლის განმავლობაში, უპრეცედენტოა. ასეთი მხარდაჭერა საქართველოს მთელი ამ წლების მანძილზე არასდროს ჰქონია. არაერთი დოკუმენტია, მათ შორის კანონის ძალის მქონე დოკუმენტი, მიღებული ამერიკის კონგრესის მიერ, რომელიც საქართველოს მხარდაჭერას უცხადებს, რომელიც მხარდაჭერას უცხადებს ჩვენს სუვერენიტეტს, ტერიტორიულ მთლიანობას და უფრო მეტიც, ამ აქტებით არის გათვალისწინებული კონკრეტული ზომები იმ ქვეყნების წინააღმდეგ, რომლებიც ამ პრინციპს არ აღიარებენ. ასეთი მხარდაჭერა ნამდვილად უპრეცედენტოა. გარდა ამისა წარდგენილია ახალი ინიციატივები, ამერიკის კონგრესში და ზოგადად ხელისუფლებაში. საუბარია თავისუფალი ვაჭრობის შესახებ შეთანხმების ხელმოწერაზე, რაც ასევე უპრეცედენტო ნაბიჯია ჩვენი ამერიკელი მეგობრების მხრიდან და საქართველოს მხარდამჭერი კანონის პროექტია ინიცირებული ამერიკის კონგრესში. ასეთი მხარდაჭერა საქართველოს არ ჰქონია არასდროს აშშ-ის მხრიდან და ეს რა თქმა უნდა ჩვენი ხელისუფლების ძალიან თანმიმდევრული და სწორი პოლიტიკის შედეგია“, - განაცხადა ირაკლი კობახიძემ.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა