მომავალი პრეზიდენტისთვის მთავარი რჩევა მექნება, გააკეთოს დეკლარირება, რომ ის ყველას პრეზიდენტია, - ამის შესახებ ესტონეთის პრეზიდენტმა, კირსტი კალიულაიდიმ საერთაშორისო კონფერენციაზე "მსოფლიო თავდაყირა 2018" სიტყვით გამოსვლისას განაცხადა.
მისივე თქმით, მომავალმა პრეზიდენტმა ყველა პოლიტიკური ჯგუფი უნდა გააერთიანოს. "მან უნდა გააერთიანოს ყველა პოლიტიკური ჯგუფი ერთიანი მიზნების მისაღწევად, რაც მოდის პრეზიდენტის ოფისისგან, მაგრამ არა პრემიერის ოფისისგან. მეც ასე ვიქცევი, რადგან ვფიქრობ, თუ რა იქნება 30 წლის შემდეგ. მეც არ მაქვს შესაბამისი ლეგიტიმაცია, ამიტომ ვცდილობ გავაერთიანო ადამიანები ერთი მიზნის ირგვლივ", - განაცხადა პრეზიდენტმა.