მედია გარემოს თავისუფლება მნიშვნელოვანია, - ამის შესახებ ესტონეთის პრეზიდენტმა კერსტი კალიულაიდმა თბილისის საერთაშორისო ფორუმზე განაცხადა. კონფერენციის მოდერატორი ესტონეთის პრეზიდენტისგან დაინტერესდა, რა უნდა გააკეთოს ქართველმა ხალხმა ესტონეთის გამოცდილებიდან გამომდინარე.
"როდესაც ჩვენ დამოუკიდებლობა მივიღეთ, არაფერი გვქონდა. ჩვენ ხალხს ვუთხარით, რომ გვინდოდა დემოკრატია. ეს გავაკეთეთ ინსტიქტურად, თუმცა სწორად. ეს დაეხმარა ქვეყანას ეკონომიკური კუთხითაც. ამასთან, რეფორმები უნდა განახორციელო როგორც ქვეყნის შიგნით, ასევე გარეთ. არ შეიძლება არაფერი შეცვალო ქვეყნის შიგნით. მაგალითად მედიაგარემოს თავისუფლება მნიშვნელოვანია. არ ვამბობ, რომ არ ტარდება საქართველოში რეფორმები. უბრალოდ ეს ყველაფერი უნდა იყოს გამჭვირვალე", - განაცხადა ესტონეთის პრეზიდენტმა.