დონალდ ტრამპმა ხელი მოაწერა სანქციების გამოყენების შესახებ ბრძანებას მათთვის, ვინც არჩევნებში ჩაერევა

აშშ-ის პრეზიდენტმა დონალდ ტრამპმა ხელი მოაწერა ბრძანებას, რომელიც სანქციების გამოყენებას ითვალისწინებს იმ უცხოელების წინააღმდეგ, რომლებიც ამერიკის არჩევნებში ერევიან, - ამის შესახებ „Associated Press“ იუწყება.

პრეზიდენტის მრჩეველმა ეროვნული უსაფრთხოების საკითხებში ჯონ ბოლტონმა და ეროვნული დაზვერვის დირექტორმა დენ კოათსმა განაცხადეს, რომ პრეზიდენტის ბრძანება დადასტურებაა იმისა, რომ არჩევნების უსაფრთხოება პრეზიდენტისთვის პრიორიტეტს წარმოადგენს. ბოლტონის განცხადებით, დოკუმენტი მიმართულია იქითკენ, რომ შეჩერდეს დეზინფორმაციის კამპანია ან ნებისმიერი მცდელობა კენჭისყრის შედეგებით მანიპულაციისა.

კოატსმა, თავის მხრივ, განაცხადა, რომ აშშ ამჟამად ვერ ხედავს რუსეთის ჩარევის ინტენსივობას, რომელიც 2016 წელს შეინიშნებოდა, მაგრამ ამას მაინც არ გამორიცხავს. მისივე თქმით, აშშ ასევე შეშფოთებულია ჩინეთის, ჩრდილოეთ კორეისა და ირანის კიბერსაქმიანობით.

ბრძანებაში ჩამოთვლილია უწყებები, რომლებიც ვალდებულნი არიან მიიღონ გადაწყვეტილებები, თუკი მოხდება არჩევნებში ჩარევა. მათ შორის არის ეროვნული სადაზვერვო ოფისი, ეროვნული უსაფრთხოების სააგენტო, შინაგან საქმეთა დეპარტამენტი.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ