თბილისში წინასწარი დაკავების ახალი იზოლატორი აშენდება

თბილისში წინასწარი დაკავების ახალი იზოლატორი აშენდება. როგორც „ინტერპრესნიუსის“ მიერ შინაგან საქმეთა სამინისტროდან გამოთხოვილ ინფორმაციაშია ნათქვამი, დროებითი მოთავსების იზოლატორის მშენებლობა ავჭალაში მოხდება, რაზეც 4 მილიონზე მეტი დაიხარჯება.

მათივე ინფორმაციით, ავჭალის ქუჩაზე დროებითი მოთავსების იზოლატორის მშენებლობასთან დაკავშირებით ტენდერი დღეს გამოცხადდა. მშენებლობასთან დაკავშირებით ელექტრონული ტენდერი აუქციონის გარეშეა გამოცხადებული და სამუშაოების შესრულების ვადა ხელშეკრულების გაფორმებიდან 365 დღეა. სატენდერო წინადადებების მიღება მიმდინარე წლის 19 სექტემბერს დასრულდება.

შესყიდვის სავარაუდო ღირებულება 4 255 555 ლარია. ამასთან, შეთავაზების ფასის კლების ბიჯი 40 000 ლარია, ხოლო გარანტიის ოდენობა 42 556 ლარი. გარანტიის მოქმედების ვადა კი დაახლოებით 5 თვეა.

საგარანტიო ვადა შესრულებულ სამუშაოებზე და გამოყენებულ მასალებზე მიღება-ჩაბარების აქტის გაფორმებიდან 2 წელი, დანადგარებზე და აგრეგატებზე 2 წელი, ბეტონის კონსტრუქციებზე 25 წელი, ხოლო, სახურავის ვარგისიანობაზე 7 წელია.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს