ლილოს გაფორმების ეკონომიკურ ზონასთან შეკრებილი სატვირთო ავტომობილების მძღოლები მზად არიან ფინანსთა მინისტრს შეხვდნენ.

როგორც „ინტერპრესნიუსს“ აქციის ერთ-ერთმა მონაწილემ გელა ჯოჯიშვილმა განუცხადა, მძღოლებს დაუკავშირდა ფინანსთა სამინისტროს წარმომადგენელი, რომელმაც განუმარტა, რომ მინისტრი მზად არის მძღოლებს შეხვდეს.

მისივე განმარტებით, შეხვედრა ფინანსთა სამინისტროში შედგება.

შეგახსენებთ, რომ სატვირთო ავტომობილების მძღოლები ლილოს გეზის მიმდებარე ტერიტორიაზე რამდენიმე დღეა საპროტესტო აქციას მართავენ, ისინი ითხოვენ ფინანსთა სამინისტროს მიერ გამოცემული იმ ბრძანების გაუქმებას, რომლის თანახმადაც, საქართველოში ხორბლის სახმელეთო გადაზიდვა იკრძალება.