მერიის ზედამხედველობის სამსახურს სახელი  შეეცვალა და თბილისის მუნიციპალური ინსპექცია დაერქვა

თბილისის მერიის ზედამხედველობის სამსახურს სახელი შეეცვალა და თბილისის მუნიციპალური ინსპექცია დაერქვა.

აღნიშნული გადაწყვეტილება თბილისის საკრებულოს სხდომაზე მიიღეს.

როგორც საკრებულოს იურიდიულ საკითხთა და ადამიანის უფლებათა კომისიის თავმჯდომარე ლევან ჟორჟოლიანმა განაცხადა, სახელის ცვლილების მიზეზი აღნიშნული სამსახურისთვის მთელი რიგი ფუნქციების დამატება გახდა.

"ზედამხედველობის საქალაქო სამსახურს მთელი რიგი ფუნქციები დაემატა, როგორიცაა ხმაურის რეგულირება, უსაფრთხოება მშენებლობებზე და ა.შ. ამ მნიშვნელოვანმა ფუნქციებმა უნდა უზრუნველყოს ჩვენი მოქალაქეების სიმშვიდე, ასევე, უსაფრთხო შრომა. მერიამ გადაწყვიტა და საკრებულოც ეთანხმება ამას, რომ ის გახდეს თბილისის მერიის მუნიციპალური ინსპექცია. ამ სამსახურის ერთგვარი რებრენდინგი ხორციელდება. დღეს ეს არის ტექნიკური ცვლილება, ხოლო შემდგომში რა სიახლეებს შემოგვთავაზებს მუნიციპალური ინსპექცია, ამას ვნახავთ", - განაცხადა ჟორჟოლიანმა.

მისივე თქმით, აღნიშნული სამსახურის ბიუჯეტში ცვლილებები არ არის.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)