მოსამართლე გიორგი ჭანტურიას ადვოკატებს - თქვენი ტაქტიკა თუ სასამართლოსა და მოსამართლის შეურაცხყოფაზეა აგებული, ეს მცდარი ტაქტიკაა

რუსთავის საქალაქო სასამართლოში გენერალ სამსონ ქუთათელაძის მკვლელობის საქმეზე დაკავებული გიორგი ჭანტურიას წინასასამართლო სხდომა მიმდინარეობს. მოსამართლე ეკატერინე პართენიშვილმა ჭანტურიას ადვოკატების დამტებითი შუამდგომლობები არ დააკმაყოფილა.

ადვოკატებმა საქმის სამი მოწმის - თედორაძის, რეხვიაშვილისა და ჩადუნელის ჩვენებების გადამოწმების მიზნით, 15 იანვარს, საღამოს, სტამბოლის ბაზრის ტერიტორიაზე, მათი გადაადგილებისა და სატელეფონო საუბრების დეტალური ამონაწერის და თედორაძის მიერ იმ პერიოდში, როდესაც სავარაუდოდ მკვლელობა მოხდა, ბარში ნაყიდი ლუდის შეძენის ჩეკის ამოღება მოითხოვეს.

ადვოკატმა ბექა ბასილაიამ შუამდგომლობის დაყენებისას მოსამართლე ტენდენციურობაში დაადანაშაულა და აღნიშნა, რომ მათ იმედი არა აქვთ, რომ მოსამართლე ამ შუამდგომლობებს დააკმაყოფილებს.

სხდომის მიმდინარეობისას მოსამართლემ მის მიმართ არაკორექტული გამონათქვამების გამო ადვოკატებს შენიშვნა რამდენჯერმე მისცა.

“თქვენი ტაქტიკა თუ სასამართლოსა და მოსამართლის შეურაცხყოფაზეა აგებული, ეს მცდარი ტაქტიკაა. მესამედ გაძლევთ შენიშვნას",- მიმართა მოსამართლემ ადვოკატებს.

შეგახსენებთ, რომ გენერალი სამსონ ქუთათელაძე, ე.წ. სტამბოლის ბაზრის ტერიტორიაზე საკუთარ კაბინეტში 15 იანვარს ნახეს მოკლული, მას ცეცხლსასროლი იარაღიდან 6 ტყვია ჰქონდა მოხვედრილი. გიორგი ჭანტურია სამართალდამცავებმა რვა თვის შემდეგ, რუსთავში, ყაზბეგის ქუჩაზე მამის სახოვრებელ სახლში 7 აგვისტოს, ღამით ჩატარებული ცხრეკის შემდეგ დააკავეს. სახლიდან ავტომატური ცეცხლსასროლი იარაღი და ვაზნები იქნა ამოღებული. სისხლის სამართლის საქმე გიორგი ჭანტურიას მიმართ, საქართველოს სსკ-ის 108-ე მუხლით, სსკ-ის 236-ე მუხლის მეორე და მესამე ნაწილებით აღიძრა, რაც განზრახ მკვლელობას, ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო