მოსკოვი საქართველოსა და რუსეთის პირველი პირების შეხვედრის შესაძლებლობას არ გამორიცხავს, ახლა მხარეები მის მომზადებაზე მუშაობენ, - ამის შესახებ ჟურნალისტებს რუსეთის საგარეო საქმეთა მინისტრის მოადგილემ გრიგორი კარასინმა რუსეთთან ურთიერთობების საკითხებში საქართველოს პრემიერ–მინისტრის სპეციალურ წარმომადგენელთან ზურაბ აბაშიძესთან შეხვედრის შემდეგ განუცხადა.

„ასეთი შეხვედრის ორგანიზება შესაძლებელია, მაგრამ ამისთვის მომზადება და მუშაობაა საჭირო, რათა ლიდერებს შედეგიანი შეხვედრა ჰქონდეთ. ჩვენ ახლა ამაზე ვმუშაობთ“, - განაცხადა კარასინმა.