პრემიერ-მინისტრის ხელმძღვანელობით ინვესტორთა საბჭოს მეცხრე სხდომა გაიმართა

კომერციული პალატების შექმნისა და გადახდისუუნარობის რეფორმაზე იმსჯელეს ინვესტორთა საბჭოს მეცხრე სხდომაზე, რომელიც პრემიერ-მინისტრ მამუკა ბახტაძის ხელმძღვანელობით გაიმართა. როგორც „ინტერპრესნიუსს“ პრემიერის პრესსამსახურიდან აცნობეს, სხდომაზე ხაზი გაესვა სასამართლო რეფორმის, კერძოდ, კომერციული პალატების საქმიანობის მნიშვნელობას, რაც კომერციული დავების გადაწყვეტის პროცესის მოქნილობისა და ეფექტურობის გაზრდას შეუწყობს ხელს. კანონპროექტის საზოგადოებრივი განხილვის ნაწილში ინვესტორთა საბჭო აქტიურად ჩაერთვება.

საბჭოს სხდომაზე ასევე ყურადღება დაეთმო გადახდისუუნარობის რეფორმასთან დაკავშირებულ კონსულტაციებს, რომელიც დასასრულს უახლოვდება და აღინიშნა, რომ საბოლოო დოკუმენტი პარლამენტს უახლოეს პერიოდში წარედგინება.

ინვესტორთა საბჭოს წევრებმა ასევე განიხილეს ევროკავშირში საქართველოს მოქალაქეების დროებითი დასაქმების საკითხი.

გარდა ამისა, ინვესტორთა საბჭოს წევრებმა იმსჯელეს ორგანულ კანონზე სასოფლო-სამეურნეო დანიშნულების მიწის შესახებ. როგორც სხდომაზე აღინიშნა, სასოფლო-სამეურნეო მიწის ფლობაზე კანონპროექტით გათვალისწინებულ აკრძალვაზე გამონაკლისების დაშვების კრიტერიუმები პოტენციური ინვესტორებისთვის წინასწარ უნდა იყოს ცნობილი.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო