ანა ნაცვლიშვილი სახელმწიფო დაცვაზე - ეს არის მესიჯი, რომლითაც ყველა შემდგომი პრეზიდენტი უნდა გაფრთხილდეს, რომ  "ჭკვიანად" იყოს

საქართველოს პრეზიდენტის საპარლამენტო მდივანმა ანა ნაცვლიშვილმა დღეს "სახელმწიფო დაცვის სპეციალური სამსახურის შესახებ" კანონში შესატანი ცვლილებების შესახებ საკუთარი შენიშვნები პარლამენტის თავდაცვისა და უშიშროების კომიტეტს გააცნო.

ანა ნაცვლიშვილის თქმით, ინიციატივა, რომლის მიხედვითაც პრეზიდენტს უფლებამოსილების ამოწურვის შემდეგ სახელმწიფო დაცვა ეხსნება, უმაღლესი თანამდებობის პირებისთვის უსაფრთხოების გარანტიების სისტემის შერყევაა.

მისივე თქმით, ეს არის კიდევ ერთი ნაბიჯი, რომელიც მიმართულია არა მხოლოდ პრეზიდენტის ინსტიტუტის, არამედ მნიშვნელოვანი სახელმწიფო ინსტიტუტების შესუსტებისკენ, თუ არა მოშლისაკენ, რაც დაუშვებელია.

"ნათელია, პოლიტიკური ანგარიშსწორება რომ არის კონკრეტულად მოქმედ პრეზიდენტზე, მაგრამ ასევე დრო, როდის შემოვიდა ეს კანონპროექტი, აჩვენებს იმას, რომ ეს არის მესიჯი, რომლითაც უნდა გაფრთხილდეს ყველა შემდგომი პრეზიდენტი, რომ იყოს "ჭკვიანად" და ხასიათი არ გამოავლინოს. ამიტომ, ის არგუმენტები, რომლებიც თქვენგან მოვისმინეთ, ვერანაირ კრიტიკას ვერ უძლებს, ვერაფერს ასაბუთებს, მათ შორის, ვერ ასაბუთებს ამ ცვლილების გონივრულობას, მიზანშეწონილობას და, რაც მთავარია, სახელმწიფოებრივ ხასიათს. კანონპროექტის სულისკვეთება არასწორი და პოლიტიკური ანგარიშსწორებითაა ნაკარნახევი“, - აღნიშნა ანა ნაცვლიშვილმა.

ნაცვლიშვილის განცხადებით, ადამიანი, რომელიც თავის სიცოცხლეს დებს სასწორზე სახელმწიფო უსაფრთხოებისთვის, ბუნებრივია, იმსახურებს სახელმწიფოს მხრიდან განსაკუთრებულ ზრუნვას.

"ველოდი, რომ თავდაცვის კომიტეტზე იქნებოდა მეტი აქცენტი გაკეთებული იმაზე, რომ პრეზიდენტი არ არის მხოლოდ სახელმწიფოს მეთაური. პრეზიდენტი შეიარაღებული ძალების მთავარსარდალია, ეს სტატუსი კონსტიტუციური თვალსაზრისითაც სრულიად განსაკუთრებულია. დაცვა ნამდვილად ტვირთია, განსაკუთრებით ისეთი პირადი თვისებების მქონე ადამიანისთვის, როგორიც მოქმედი პრეზიდენტია და მას, რომ ვკითხოთ, ალბათ, საერთოდ იტყოდა უარს დაცვაზე, მაგრამ როცა ჩვენ ვსაუბრობთ სახელმწიფოს მეთაურზე, ჩვენ ალბათ, სწორად უნდა გავიზიაროთ ეს. ერთადერთი არგუმენტი, რომელიც კომიტეტზე მოვისმინეთ არის ის, რომ კრიმინოგენული სიტუაცია გაუმჯობესდა და ამიტომ ჩვენ უნდა გადავიდეთ ახალ სტანდარტზე, მაგრამ არ ასაბუთებთ კარგად. თუ, პირობითად, ქუჩაში მომხდარი დანაშაულის სტატისტიკა მცირდება, პრეზიდენტის უსაფრთხოების კონტექსტიც შეცვლილია?" - აღნიშნა ანა ნაცვლიშვილმა.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 06.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან