დეპუტატი ნატო ჩხეიძე თბილისის პროკურატურაში გამოკითხვაზე მივიდა

თბილისის პროკურატურაში „ომეგა ჯგუფის“ საქმესთან დაკავშირებით, ტელეკომპანია „იბერიას“ დამფუძნებელი და „ომეგა ჯგუფის“ ერთ-ერთი მფლობელი, დეპუტატი ნატო ჩხეიძე გამოკითხვაზე მივიდა. საგამოძიებო უწყებაში ის ადვოკატ გიორგი ფანცულაიასთან ერთად გამოცხადდა.

პროკურატურაში შესვლამდე ნატო ჩხეიძემ ჟურნალისტებთან საუბრისას აღნიშნა, რომ ის დააკვირდება ვითარებას და გადაწყვეტს, მისი დაკითხვა მოხდეს სასამართლოში თუ პროკურატურაში.

ჟურნალისტის კითხვაზე, „ომეგა ჯგუფის“ ირგვლივ განვითარებულ მოვლენებზე რატომ არ ჰქონდათ კომუნიკაცია მას და მის მეუღლეს „პატრიოტთა ალიანსის“ წევრებთან, რომლებიც იმ პერიოდში მისი თანაგუნდელები იყვნენ, ნატო ჩხეიძემ განაცხადა, რომ 7 და 14 სექტემბერს მათ ეს ყველაფერი იცოდნენ, „მაგრამ არ ჩათვალეს საჭიროდ ამას გამოხმაურებოდნენ“.

მისი თქმით, სწორედ ეს გახდა იმის მიზეზი, რომ განეცხადებინა პარტიის დატოვების შესახებ და აღნიშნავს, რომ ის უკვე ოფიციალურად ფრაქციას 8 ოქტომბერს დატოვებს.

„თანაგუნდელებს, რომლებიც ახლა აღარ არიან ჩემი თანაგუნდელები, ჰქონდათ ამ ყველაფრის შესახებ ინფორმაცია. ზუსტად 7 და 14 სექტემბერს მათ ეს ყველაფერი იცოდნენ, მაგრამ არ ჩათვალეს საჭიროდ ამას გამოხმაურებოდნენ. არ ჩათვალეს საჭიროდ, რომ რამე ეთქვათ, სწორედ ამის გამო იყო, რომ მე გავაკეთე განცხადება და გამოვედი ამ პარტიიდან, ხოლო 8 ოქტომბერს ფრაქციიდან გამოვალ“, - აღნიშნა ნატო ჩხეიძემ.

ჩხეიძე ასევე გამოეხმაურა ბიზნესმენ ვანო ჩხარტიშვილის ადვოკატის, ზაზა ხატიაშვილის განცხადებასაც და აღნიშნავს, რომ რაც არ უნდა გაასაჯაროვონ, „ვანო ჩხარტიშვილი მაინც იქნებდა დამნაშავე, ვინაიდან მან არაკანონიერი საქმეები და არაკანონიერი ქმედებები ჩაიდინა“.

„რაც შეეხება ვანო ჩხარტიშვილს, რაც არ უნდა გაასაჯაროვონ, ჩხარტიშვილი იქნება დამნაშავე, ვინაიდან ძალიან არაკანონიერი საქმეები და ძალიან არაკანონიერი მოქმედებები ჰქონდა „ომეგა ჯგუფის“ წინააღმდეგ“, - განაცხადა ნატო ჩხეიძემ.

ნატო ჩხეიძე ასევე გამოეხმაურა „საქართველოს ბანკის“ მიერ გამოქვეყნებულ განცხადებასაც და აღნიშნავს, რომ მას კონკრეტულ ბანკთან დაკავშირებით ფინანსურ ვალდებულებებზე ინფორმაცია არ აქვს.

თბილისის პროკურატურაში მიმდინარე გამოძიების ფარგლებში უკვე გამოიკითხნენ გავრცელებულ აუდიომასალაში ერთ-ერთი მთავარი ფიგურანტი, სპორტის ყოფილი მინისტრი ლევან ყიფიანი, „ომეგა ჯგუფის“ ხელმძღვანელი პირები, ხოლო დღეს, გამომძიებლები პირველად მოისმენენ ნატო ჩხეიძის ჩვენებას, რომელსაც ის მოწმის სტატუსით მისცემს.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 13.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
ქართული USB კაბელი ტენე, მალე მეორადი ნარჩენებისგან დამზადდება
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება