მარიამ ჯაში - რამდენადაც ჩვენთვის ცნობილია, ვანო მერაბიშვილის ჯანმრთელობის მდგომარება კრიტიკული არ არის

რამდენადაც ჩვენთვის ცნობილია, ვანო მერაბიშვილის ჯანმრთელობის მდგომარეობა კრიტიკული არ არის, - ამის შესახებ ჟურნალისტებს „ქართული ოცნების“ დეპუტატმა მარიამ ჯაშმა განუცხადა.

ჯაშის თქმით, საქართველოს პენიტენციურ სისტემას აქვს ერთ-ერთი მაღალი ხარისხის სამედიცინო სერვისი, რომელიც უზრუნველყოფს პაციენტისთვის ყველა შესაძლო დიაგნოსტიკურ და სხვა სახის მკურნალობას.

„მე თავად ვიყავი აქტირების კომისიის თავმჯდომარე ჯანდაცვის მინისტრის მოადგილის რანგში. კომისია იხილავდა განსაკუთრებით მძიმე ჯანმრთელობის მდგომარეობის შემთხვევებს - პრაქტიკულად ფატალური მდგომარეობის დროს პაციენტების გათავისუფლების საკითხს. აღნიშნული რეგულაცია ძალიან მკაცრად განსაზღვრავს იმ მდგომარეობას, რომელიც შეწყალებას, ან ვადამდე გათავისუფლებას ექვემდებარება. რამდენადაც ჩვენთვის ცნობილია, ვანო მერაბიშვილის ჯანმრთელობის მდგომარება კრიტიკული არ არის. მინდა დაგარწმუნოთ, რომ საქართველოს პენიტენციურ სისტემას აქვს ერთ-ერთი მაღალი ხარისხის სამედიცინო სერვისი, რომელიც უზრუნველყოფს ნებისმიერი პაციენტისათვის დიაგნოსტიკურ და სამკურნალო შესაძლებლობას“, - განუცხადა ჟურნალისტებს მარიამ ჯაშმა.

შეგახსენებთ, რომ შინაგან საქმეთა ყოფილი მინისტრი ვანო მერაბიშვილი სასჯელაღსრულების დაწესებულებიდან დღეს ისევ კლინიკაში გადაიყვანეს.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება