ადა მარშანია - თუ სიმართლეა ის, რასაც „ომეგა ჯგუფთან“ დაკავშირებით გავრცელებულ ჩანაწერებში ვისმენთ, ეს არის კატასტროფა ხელისუფლებისთვის და ქვეყნისთვის
თუ სიმართლეა ის, რასაც „ომეგა ჯგუფთან“ დაკავშირებით გავრცელებულ ჩანაწერებში ვისმენთ, ეს არის კატასტროფა ხელისუფლებისთვის და ქვეყნისთვის, - ამის შესახებ ჟურნალისტებს ფრაქცია „საქართველოს პატრიოტების“ წარმომადგენელმა ადა მარშანიამ განუცხადა.
„ჩანაწერების ნამდვილობასა და ავთენტურობაზე ვერაფერს ვიტყვი, ამას ექსპერტიზა და გამოძიება სჭირდება.
თუ ყველაფერი ისეა, როგორც ჩანაწერებში გვესმის, ცხადია პროცესი ძალიან მძიმეა. ჩანაწერებში რაღაცეები შეიძლება იყოს სიმართლე, რაღაცეები შეიძლება იყოს მოგონილი ან ინტერპრეტაციით გადმოცემული. ეს ყველაფერი გამოძიებამ უნდა დაადგინოს“, - განუცხადა ჟურნალისტებს ადა მარშანიამ.
