ვანო მერაბიშვილს დღეს სავარაუდოდ, კლინიკაში დატოვებენ

შს ყოფილ მინისტრ ვანო მერაბიშვილს დღეს სავარაუდოდ, "მედიქლაბ ჯორჯიაში" დატოვებენ. ამის შესახებ ჟურნალისტებს მერაბიშვილის ადვოკატმა გიორგი ჩივიაშვილმა განუცხადა.

მისი თქმით, ექიმები გეგმავენ სხვადასხვა კვლევები ჩაუტარონ, რათა გაარკვიონ, რატომ გახდა შს ყოფილი მინისტრი ცუდად. ადვოკატის ინფორმაციით, მას კომუნიკაცია ჰქონდა როგორც კლინიკის მთავარ ექიმთან, ასევე დირექტორთან.

"ვესაუბრე მთავარ ექიმს და გენერალურ დირექტორს. მათ მითხრეს, რომ დღეს მერაბიშვილთან შევა სხვადასხვა პროფილის რამდენიმე ექიმი, მოხდება სრულყოფილი, ახალი კვლევის ჩატარება, ვინაიდან ჰორნერის სინდრომთან დაკავშირებით არ არის დადგენილი, რამ გამოიწვია ეს სინდრომი - ეს შეიძლება იყოს სიმსივნური დაავადებები, ან შეიძლება იყოს ინტოქსიკაცია. ჩვენ არ გადმოგვცემია წინა კვლევების პასუხები და შესაბამისად, არ მოგვეცა შესაძლებლობა ეს კვლევები უცხოეთში გადაგვეგზავნა. იმედს ვიტოვებ, რომ დღის ბოლომდე მოგვაწვდიან „ავერსის“ კლინიკაში ჩატარებული კვლევების პასუხებს. ვიმედოვნებთ, რომ ამ კლინიკიდან მერაბიშვილის გაყვანა არ მოხდება, როგორც წინა შემთხვევებში მოხდა, რომ ნახევარი საათით მიჰყავდათ და მერე უკან აბრუნებდნენ. იმედია, სრულად გამოიკვლევენ და მინიმუმ დიაგნოზს მაინც გვეტყვიან, რა სჭირს ამ ადამიანს. წინააღმდეგ შემთხვევაში ხელისუფლებამ უნდა გვითხრას, რომ ისინი უძლურები არიან, არ შეუძლიათ დიაგნოზის დასმა და მერაბიშვილის მკურნალობა", - განაცხადა გიორგი ჩივიაშვილმა.

ამასთან, ადვოკატის თქმით, პენიტენციური სამსახურისა და იუსტიციის მინისტრის განცხადებები მერაბიშვილის ჯანმრთელობის მდგომარეობასთან დაკავშირებით, დღეს არსებულ ვითარებასთან შედარებით ურთიერთგამომრიცხავი და ურთიერთსაწინააღმდეგოა.

"არათუ სასჯელაღსრულებამ, გუშინ მოვისმინე იუსტიციის მინისტრის განცხადებებიც, სადაც ის გვეუბნებოდა, რომ ივანე მერაბიშვილს საერთოდ არაფერი სჭირს. ისიც კი გვითხრა, რომ ექიმები უწევენ რეკომენდაციას, ინტოქსიკაციაზე კვლევები არ ჩაიტაროს. ამ განცხადების შემდეგ სულ რაღაც 8 საათში მერაბიშვილი გადმოიყვანეს სამოქალაქო კლინიკაში, სადაც კვლევები უტარდება და ექიმები ცდილობენ დაადგინონ მიზეზი და დიაგნოზი, რატომაა მერაბიშვილი ცუდად. შესაბამისად, ეს არის ურთიერთგამომრიცხავი განცხადებები. რანდენადაც ჩემთვის ცნობილია, ისინი აპირებენ მერაბიშვილის დატოვებას დღეს ამ კლინკაში, რათა ერთხელ მაინც მოხდეს სრულყოფილად მისი გამოკვლევა და რაიმე შედეგის დადება. ამიტომ ის განცხადება, რომ თითქოსდა მერაბიშვილი კარგად გრძნობს თავს სხვა დღეებთან შედარებით, უხერხული და ურთიერთსაწინააღმდეგოა", - აღნიშნა ჩივიაშვილმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა