სააპელაციო სასამართლოში ხორავას ქუჩაზე მოზარდების მკვლელობის საქმის განმხილველი სხდომა გადაიდო

სააპელაციო სასამართლოში ხორავას ქუჩაზე მოზარდების მკვლელობის საქმის განმხილველი სხდომა გადაიდო. ამის შესახებ ჟურნალისტებს საქმის პროკურორმა თორნიკე ნადირაძემ განუცხადა.

პროკურორის თქმით, დაცვის მხარემ მოითხოვა სხდომის გადადება, რათა ახალ მტკიცებულებებს გაცნობოდა.

„ბრალდების მხარემ იშუამდგომლა სასამართლოს წინაშე ახალი მტკიცებულებების დართვასთან დაკავშირებით. კონკრეტულ შემთხვევაში, საკანონმდებლო მოთხოვნებიდან გამომდინარე, ახალი მტკიცებულება უნდა აკმაყოფილებდეს შესაბამის კრიტერიუმებს და ერთ-ერთი ასეთი კრიტერიუმი არის, რომ აღნიშნული მტკიცებულების მანამდე წარმოდგენის შესაძლებლობა არ უნდა არსებობდეს და მეორე, უნდა იყოს რელევანტური. ბრალდების მხარემ დაასაბუთა, რომ ეს ორივე მნოშვნელოვანო კომპონენტი დაცული იყო მის მიერ. დაცვის მხარემ მოითხოვა სხდომის გადადება იმ მოტივით, რომ გაეცნობა ჩვენს მიერ წარმოდგენილ მტკიცებულებებს",- განაცხადა ნადირაძემ.

მისივე თქმით, საქმე ეხება მოწმეების დაკითხვას, რომელთა დაკითხვას ითხოვს სასამართლო სხდომაზე ბრალდების მხარე.

„მეორე მხრივ არის საპროცესო დოკუმენტები, რომელთა დართვასაც ითხოვენ",- აღნიშნა ნადირაძემ.

მომდევნო სხდომა 16 ოქტომბერს 14:00 საათზე ჩაინიშნა.

ხორავას ქუჩაზე ორი არასრულწლოვანი დავით სარალიძე და ლევან დადუნაშვილი 2017 წლის 1 დეკემბერს დაჭრეს. ერთი მოზარდი საავადმყოფოში მიყვანამდე, ხოლო მეორე მრავლობითი დაზიანებებით საავადმყოფოში მოთავსებიდან მეორე დღეს, გარდაიცვალა.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“