„ქართული ოცნების“ მიერ მხარდაჭერილი საპრეზიდენტო კანდიდატი სალომე ზურაბიშვილი რეგიონებში მოსახლეობასთან შეხვედრებს განაგრძობს. სალომე ზურაბიშვილი დღეს სამცხე-ჯავახეთის რეგიონში, ნინოწმინდაში, ახალქალაქსა და ასპინძაში მცხოვრებ მოსახლეობას ხვდება.
ნინოწმინდაში მოსახლეობასთან შეხვედრაზე, სალომე ზურაბიშვილმა შარლ აზნავურის გარდაცვალების გამო მწუხარება გამოთქვა.
„დღევანდელი დღე საფრანგეთში გლოვის დღედ არის გამოცხადებული. ვიცი, რომ ასევე არის სომხეთში და ასევე არის ამ რეგიონში, საიდანაც წავიდა შარლ აზნავურის მამა. ტყუილად არ დავიწყე შარლ აზნავურისგან, რადგან ის იყო იმ ემიგრაციის ნაწილი, რომელიც თავს იყრიდა საფრანგეთში 30-იან წლებში”, - განაცხადა სალომე ზურაბიშვილმა.