პროტოპრესვიტერი გიორგი ზვიადაძე - უკრაინის ეკლესიის ავტოკეფალიასთან დაკავშირებით, ჯერჯერობით პოზიცია არ გვაქვს სხვა ადგილობრივი ეკლესიებისგან

საქართველოს ეკლესიის პოზიცია ასეთია,რომ ჯერჯერობით უკრაინის ეკლესიის ავტოკეფალიასთან დაკავშირებით ჩვენ პოზიცია არ გვაქვს სხვა ადგილობრივი, მართლმადიდებელი ეკლესიებისგან,-ამის შესახებ ჟურნალისტებს პროტოპრესვიტერმა გიორგი ზვიადაძემ განუცხადა.

მისი თქმით, უკრაინის ეკლესიის ავტოკეფალიის მინიჭების თაობაზე საქართველოს საპატრიარქომ თავისი პოზიცია განცხადებით დააფიქსირა.

„ის ფაქტი, რომ მსოფლიო საპატრიარქოს სურს მიანიჭოს ავტოკეფალია უკრაინის ეკლესიას, ჩვენთვის კარგად არის ცნობილი. ამის შესახებ ცნობილია თქვენთვისაც, ჩვენთვისაც და მთელი მოსახლეობისთვისაც ის დაპირისპირება რაც არსებობს კონსტანტინოპოლის საპატრიარქოსა და რუსეთის საპატრიარქოს შორის.ამაზე გაკეთდა უაღესად კვალიფიციური განცხადება საქართველოს საპატრიარქოს მხრიდან და ჩვენ, ყველა ვუერთდებით პატრიარქის ამ განცხადებას, რომ ვიდრე კანონიკური სამართლის ნორმებზე დაფუძნებულად არ იქნება ახსნილი თუ ვის ანიჭებენ ავტოკეფალიას, როგორ ანიჭებენ, რა ვითარებაში მოხდება ეს და სანამ ამას წინ არ უძღვის კონსულტაციები ადგილობრივი მართლმადიდებელი ეკლესიების, იერარქების,პატრიარქების და ეს ყველაფერი ჩვენთვის კარგად ცნობილი არ იქნება, რაიმე გადაწყვეტილების მიღება, ბუნებრივია, საქართველოს პატრიარქს და წმინდა სინოდს არ შეუძლია. მას შემდეგ რაც ეს იქნება გაცხადებული, ახსნილი საეკლესიო კანონიკური ნორმების დაცვით და ამის საფუძველზე მიღებული მცდელობა მთელი მართლმადიდებელი ეკლესიისთვის იქნება გაცნობიერებული თუ რას ვაპირებთ და როგორ ვაპირებთ, ამის შემდეგ საქართველოს მართლმადიდებლურ ეკლესიას თავის პოზიცია ექნება",- განაცხადა მამა გიორგი ზვიადაძემ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა