სახელმწიფო დაცვის სპეციალური სამსახურის შესახებ კანონში ცვლილებების განხილვა იურიდიულ საკითხთა კომიტეტმა ორი თვით გადადო

სახელმწიფო დაცვის სპეციალური სამსახურის შესახებ კანონში დაგეგმილი ცვლილებების განხილვა წამყვანმა კომიტეტმა - იურიდიულ საკითხთა კომიტეტმა ორი თვით გადადო. განხილვის პროცედურების გადადების მიზეზად საკანონმდებლო ინიციატივაზე დამატებითი კონსულტაციების გამართვის საჭიროება სახელდება.

საუბარია კანონპროექტზე, რომლის მიხედვით, პრეზიდენტს, პრემიერ-მინისტრს და პარლამენტის თავმჯდომარეს უფლებამოსილების ვადის ამოწურვის შემდეგ სახელმწიფო დაცვა მხოლოდ ერთი წლით შეუნარჩუნდება. ერთის წლის გასვლის შემდეგ კი, მთავრობა გადაწყვეტს გაუგრძელოს თუ არა ყოფილ უმაღლესი პოლიტიკური თანამდებობის პირებს დაცვა.

როგორც ჟურნალისტებს პრეზიდენტის საპარლამენტო მდივანმა ანა ნაცვლიშვილმა განუცხადა, დიდი იმედი აქვს, რომ როდესაც ეს საკითხი დაბრუნდება განსახილველად, პარლამენტი იხელმძღვანელებს სახელმწიფოებრივი ინტერესებიდან გამომდინარე.

„როგორც იურიდიულ საკითხთა კომიტეტის თავმჯდომარემ განაცხადა, საკითხი არის გადადებული ორი თვით. მათ აიღეს ვადა დამატებითი კონსულტაციებისთვის. ბუნებრივია, ჩვენ მივესალმებით იმას, რომ სახელმწიფო დაცვის სპეციალური სამსახურის საქმიანობა და მათ შორის ყოფილი პრეზიდენტის დაცვის საკითხი იყოს ბოლომდე გააზრებული, ყველა ის რისკი და საჭიროება იყოს სრულყოფილად გამოვლენილი, დაფიქრებულად მიიღოს პარლამენტმა გადაწყვეტილება და არა ნაჩქარევად და არა ისე, რომ სახელმწიფოებრივი აზროვნება იყოს მეორეხარისხოვანი და წინ წამოიწიოს სხვა მიზეზებმა. ამიტომ, დიდი იმედი მაქვს, რომ როდესაც ეს საკითხი დაბრუნდება განსახილველად, პარლამენტი იხელმძღვანელებს სახელმწიფოებრივი ინტერესებიდან", - განაცხადა ანა ნაცვლიშვილმა.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან