ირაკლი კობახიძე ინდონეზიის პარლამენტის წარმომადგენელთა პალატის დელეგაციას შეხვდა

საქართველოს პარლამენტის თავმჯდომარე ირაკლი კობახიძემ ინდონეზიის რესპუბლიკის საპარლამენტო დელეგაცია მიიღო, რომელსაც წარმომადგენელთა პალატის ვიცე-სპიკერი, უტუტ ადიანტო ხელმძღვანელობს.

პარლამენტის პრესსამსახურის ინფორმაციით, მხარეებმა ორ ქვეყანას შორის არსებულ ურთიერთობებზე ისაუბრეს და ორმხრივი თანამშრომლობის განვითარების მიმართულებები მიმოიხილეს.

ყურადღება გამახვილდა საპარლამენტთაშორისო კავშირების გაღრმავების მნიშვნელობაზე. შეხვედრაზე შეთანხმდნენ, რომ საქართველოს პარლამენტსა და ინდონეზიის რესპუბლიკის პარლამენტში მეგობრობის ჯგუფები შეიქმნება.

ორმხრივი თანამშრომლობის პერსპექტიულ მიმართულებებად მხარეებმა ეკონომიკა, განათლება, ტურიზმი და სპორტი დაასახელეს და ამ მიმართულებებით, აქტიურ ურთიერთობაზე შეთანხმდნენ. წარმომადგენელთა პალატის ვიცე-სპიკერმა აღნიშნა, რომ საქართველოს შთამბეჭდავი ტურისტული პოტენციალი აქვს. მისივე შეფასებით, ბათუმმა 43-ე საჭადრაკო ოლიმპიადას წარმატებით უმასპინძლა.

საუბარი შეეხო საქართველოს როლს რეგიონში, საგარეო პოლიტიკურ და უსაფრთხოების გამოწვევებს, ასევე ინდონეზიის რესპუბლიკის მხრიდან ჩვენი ქვეყნის მხარდაჭერის მნიშვნელობას.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს