გააჩერეთ ავტომობილები, აღარ იმუშაოთ და სახლში დეპუტატები მოგიტანენ საჭმელს - ეს ლოგიკა გაქვთ, - ამის შესახებ საკრებულოს "ნაციონალური მოძრაობის" დეპუტატმა ლევან ხაბეიშვილმა პარკირების საათობრივი და ზონალური მართვის სისტემაზე საუბრისას განაცხადა, რომლის მიხედვითაც, რამდენიმე ცენტრალურ უბანში პარკირების საათობრივი გადახდის სისტემა ამოქმედდება.

"დაპირდით, რომ პარკირების პრობლემას მოაგვარებდით და იანვრიდან ესეც ძვირდება. დაადასტურეთ, რომ ზონალური პარკირება იქნება, რაზეც ვსაუბრობდი და არცერთი საპარკინგე ადგილი არ დაემატება თბილისს, მაგრამ ჰოი, საოცრებავ, ორჯერ-სამჯერ გაუძვირდებათ პარკინგი. გააჩერეთ ავტომობილები, აღარ იმუშაოთ, სახლში დეპუტატები მოგიტანენ საჭმელს - ეს ლოგიკა გაქვთ", - განაცხადა ხაბეიშვილმა.

შეგახსენებთ, რომ 2019 წლის 1-ელი იანვრიდან, რამდენიმე ცენტრალურ უბანში პარკირების საათობრივი და ზონალური მართვის სისტემის ამოქმედება იგეგმება.