ირაკლი კოვზანაძე - ეროვნული ბანკისთვის დამოუკიდებელი აუდიტორის კონკურსში  KPMG-მ გაიმარჯვა

საქართველოს პარლამენტმა ეროვნული ბანკის 2018–2019 წლების ანგარიშგების აუდიტის განხორციელებისთვის დამოუკიდებელი აუდიტორი შეარჩია, - ამის შესახებ „ინტერპრესნიუსს“ საქართველოს პარლამენტიდან აცნობეს.

მათივე ინფორმაციით, საკონკურსო კომისიამ, რომელსაც საფინანსო-საბიუჯეტო კომიტეტის თავმჯდომარე, ირაკლი კოვზანაძე ხელმძღვანელობდა, დღეს კონკურსში მონაწილეთა ფინანსური წინადადებები განიხილა და გამარჯვებულად საერთაშორისო აუდიტორული კომპანია „KPMG“ გამოავლინა.

„კომპანიამ აუდიტის ჩასატარებლად ყველაზე კარგი პირობები შემოგვთავაზა. საკონკურსო კომისია გამარჯვებულ კომპანიას პარლამენტს დასამტკიცებლად მომდევნო სესიაზე წარუდგენს“, - განაცხადა ირაკლი კოვზანაძემ.

21 სექტემბერს გამოცხადებულ კონკურსში მონაწილეობა პარლამენტმა, „ეროვნული ბანკის შესახებ“ ორგანული კანონის თანახმად, მსოფლიოს ოთხ უმსხვილეს აუდიტორულ კომპანიას, ე.წ. „დიდ ოთხეულს“ - Ernst & Young-ს, PricewaterhouseCoopers-ს, Deloitte Touche - Tohmatsu-სა და KPMG-ს შესთავაზა.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა