გრიგოლ ვაშაძე -  კონსტიტუციამ მუშაობა მაშინ შეწყვიტა, როდესაც ბოტასების ქურდმა ფარცხალაძემ სარდაფში ჩაიყვანა ლევან ყიფიანი და ათასი უბედურებით ემუქრებოდა

ჩვენთან კონსტიტუციამ მუშაობა მაშინ შეწყვიტა, როდესაც ბოტასების ქურდმა ფარცხალაძემ სარდაფში ჩაიყვანა ქართველი ლეგენდის, დავით ყიფიანის შვილი, ლევან ყიფიანი და მას ათასი უბედურებით ემუქრებოდა, - ამის შესახებ „ინტერპრესნიუსს" ოპოზიციური გაერთიანება „ძალა ერთობაშიას" საპრეზიდენტო კანდიდატმა, გრიგოლ ვაშაძემ განუცხადა.

ვაშაძე მის მხარდამჭერებთან ერთად, ფინანსთა სამინისტროს წინ მიმდინარე აქციას შეუერთდა, რომელსაც „ომეგა ჯგუფისა" და ტელეკომპანია „იბერიას“ თანამშრომლები მართავენ.

გრიგოლ ვაშაძის განცხადებით, პროცესები, რომელიც ქვეყანაში ვითარდება, სერიოზულ საფრთხეს უქმნის საქართველოს სახელმწიფოებრიობას და ზიანს აყენებს საერთაშორისო ასპარეზზე.

"აქ მოვედი იმიტომ, რომ ეს ხელისუფლება გარდაიცვალა სამი დღის წინ. ამ ხელისუფლების ის ლეგიტიმაცია, რომელიც შენარჩუნებული ჰქონდა, დაიკარგა ბატონი ოქუაშვილის ინტერვიუს შემდეგ და ჩვენ დავდექით ძალიან ცუდი რეალობის წინაშე. საქართველოს არ ჰყავს ხელისუფლება, ის გასულია სამართლებრივი ველიდან, აქ აღარ მოქმედებს კანონმდებლობა, მათ შორის საგადასახადო. დღეს, სამწუხაროდ, ქართველ ხალხს, რომელმაც შეინარჩუნა დამოუკიდებლობა, თავზე აზის მაფიოზური კლანი, რაც საფრთხეს უქმნის ჩვენს სახელმწიფოებრიობას", - განაცხადა გრიგოლ ვაშაძემ.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 06.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან