ტორონტოს მელ ლასტმანის სახელობის სკვერში ქართული სიმღერისა და კულინარიის ფესტივალი გაიმართა

საქართველოს საელჩოს მხარდაჭერით, საქართველოს პირველი დემოკრატიული რესპუბლიკის 100 წლისთავისადმი მიძღვნილი ღონისძიებების ფარგლებში, ტორონტოს მელ ლასტმანის სახელობის სკვერში ქართული სიმღერისა და კულინარიის ფესტივალი გაიმართა.

როგორც „ინტერპრესნიუსს“ საგარეო საქმეთა სამინისტროდან აცნობეს, ღონისძიებაზე დამსწრე საზოგადოებას მისასალმებელი სიტყვით მიმართა საქართველოს საგანგებო და სრულუფლებიანმა ელჩმა კონსტანტინე ქავთარაძემ. ელჩმა ისაუბრა საქართველოს პირველი რესპუბლიკის დემოკრატიული ტრანსფორმაციის 100-წლიან გზაზე და ყურადღება გაამახვილა უნიკალურ ქართულ კულტურასა და მეღვინეობის 8000-წლოვან ტრადიციაზე. ღონისძიების ფარგლებში, მოეწყო ქართული კულტურისა და საქართველოს პირველი დემოკრატიული რესპუბლიკის ამსახველი ფოტოგამოფენები: „საქართველოს პირველი რესპუბლიკა“, „ქართული ტრადიციული სამოსი“, „50 ქალი საქართველოდან“ და „საქართველო-ღვინის აკვანი.

ღონისძიება, რომელიც ტორონტოს ქართველ ქალთა ორგანიზაციის ინიციატივით ჩატარდა, მუსიკალურად გააფორმეს ანსამბლებმა: “დარბაზი”, “ალილო”, “მაჭარი”, ტრიო „ზარი“, „გაბოს ტრიო“. კონცერტის დასასრულ, კონსტანტინე ქავთარაძემ, კანადაში ქართული ხალხური სიმღერის პოპულარიზაციაში შეტანილი წვლილისთვის, სპეციალური ჯილდოები და სიგელები გადასცა ანსამბლ „დარბაზის“ დამფუძნებელს ალან გასერს და ამჟამინდელ ხელმძღვანელს რეიმონდ კინოშიტას, ასევე, ტორონტოში მცხოვრებ ქართველ მუსიკოსსა და მომღერალს შალვა მახარაშვილს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ