სომხეთის პრემიერმინისტრმა ნიკოლ ფაშინიანმა პარტიების - „წარმატებული სომხეთისა“ და „დაშნაკცუტუნის“ მინისტრები და გუბერნატორები თანამდებობიდან დაითხოვა. სომხეთის პრემიერმა ამასთან დაკავშირებით განკარგულებას პარლამენტის შენობასთან მოაწერა ხელი, სადაც მრავალათასიანი საპროტესტო აქცია მიმდინარეობს. ამ განკარგულებას ხელი ქვეყნის პრეზიდენტმაც უნდა მოაწეროს. ამის შესახებ „რია ნოვოსტი“ იუწყება.

„დაშნაკცუტუნს“ მთავრობაში ორი მინისტრი ჰყავდა - სოფლის მეურნეობისა და ეკონომიკური განვითარების. მოგვიანებით აღნიშნულმა პარტიამ განაცხადა, რომ მინისტრები მთავრობიდან თავად გაიწვია.

ნიკოლ ფაშინიანმა ასევე აღნიშნა, რომ მას შემდეგ, რაც ეს განკარგულება ძალაში შევა, თავადაც დატოვებს პრემიერმინისტრის თანამდებობას. თუმცა, პრემიერმინისტრის მოვალეობის შემსრულებელი იქნება.

ფაშინიანის თქმით, თუკი პარლამენტი ახალ პრემიერმინისტრს არ აირჩევს, ვადამდელი საპარლამენტო არჩევნები დაინიშნება.