ბრიუსელში დღეს ნატო-ს თავდაცვის მინისტერიალი იხსნება. მინისტერიალის ფარგლებში ნატო-ს წევრი ქვეყნების თავდაცვის უწყებების ხელმძღვანელები განიხილავენ თავდაცვითი ხარჯების ტვირთის, ნატო-ს შეკავებისა და თავდაცვის პოლიტიკის, ჩრდილოეთ აფრიკაში და ახლო აღმოსავლეთში არასტაბილური ვითარების საკითხებს.
აღსანიშნავია, რომ დღეს ასევე გაიმართება ნატო-საქართველოს კომისიის შეხვედრა.
„ჩვენ ასევე გავმართავთ ნატო-საქართველოს კომისიის სხდომას. საქართველო ჩვენი ერთ-ერთი უახლოესი პარტნიორია და ქვეყანაა, რომელიც ნატო-ს წევრობისკენ მიისწრაფვის“, - განაცხადა ნატო-ს გენერალურმა მდივანმა იენს სტოლტენბერგმა გუშინ გამართულ პრესკონფერენციაზე.
ნატო-ს მინისტერიალი ორი დღის განმავლობაში გაგრძელდება. როგორც ნატო-ს გენერალურმა მდივანმა აღნიშნა, მინისტერიალის ფარგლებში ნატო-ს თავდაცვის მინისტრები ნატო-ს პარტნიორებთან ურთიერთობებს გააძლიერებენ.