ბრაზილიაში, ტოკანტინსის შტატში პოლიციასა და ციხიდან გაქცეულ ამბოხებულ პატიმრებს შორის შეტაკებისას 10 პატიმარი მოკლეს. ამის შესახებ სამხედრო პოლიციაში საკუთარ წყაროებზე დაყრდნობით გამოცემა Periodico წერს. მისივე ინფორმაციით, ერთ-ერთ ციხეში პატიმრებმა ამბოხი მოაწყვეს და მძევლად აიყვანეს მასწავლებელი, რომელიც ციხეში გაკვეთილებს ატარებდა. ასევე პატიმრებმა ორი ბადრაგის განიარაღება შეძლეს.

საერთო ჯამში ციხიდან სულ მცირე 20 პატიმარი გაიქცა. პოლიციამ სამძებრო ოპერაცია დაიწყო და 10 გაქცეული პატიმრის ლიკვიდირება მოახდინა.

მედიის ინფორმაციით, ახლა ციხეს ისევ ხელისუფლება აკონტროლებს.