გიორგი ქობულია „ომეგა ჯგუფზე“ -  გადაიხადონ გადასახადები, ვალები და მერე ვილაპარაკოთ იმაზე, რა პრეტენზიები აქვთ მთავრობის მიმართ

ეკონომიკისა და მდგრადი განვითარების მინისტრის გიორგი ქობულიას განცხადებით, „იბერია ჯგუფის” ბრალდებები მთავრობის მიმართ უკავშირდება იმას, რომ კომპანიამ დავალიანების გადახდას თავი აარიდოს. ამის შესახებ მინისტრმა „რუსთავი 2”-ის მიერ გამოქვეყნებული ფარული სატელეფონო ჩანაწერების კითხვის საპასუხოდ განაცხადა.

გიორგი ქობულიას თქმით, დავალიანების გადახდას თავს ვერავინ აარიდებს.

„ჩემი აზრით, ერთი ფაქტი არის, რომ კომპანიას აქვს ძალიან დიდი დავალიანება გადასახდელი. ეს არის ძალიან დიდი თანხა, როგორც სახელმწიფო ბიუჯეტის მიმართ, ასევე კომერციული ბანკების მიმართ აქვთ უზარმაზარი ვალი. ასეთ შემთხვევაში მგონია, ცოტა უხერხულია, როცა ასეთი ბრალდებები გვესმის. ჩემი აზრით, ეს მიმართული უფრო იმისკენ, რომ თავიდან აირიდონ დავალიანების გადახდა. დავალიანების გადახდას თავიდან ვერავინ ვერ აირიდებს. ეს არის ეკონომიკისთვის მთავარი.

გადაიხადოს ის გადასახადები, გადაიხადოს ის ვალები და მერე ვილაპარაკოთ იმაზე, კიდევ რა პრეტენზიები აქვთ მათ მთავრობის მიმართ”,- განაცხადა გიორგი ქობულიამ.

კითხვაზე, გაუჩნდა თუ არა თანაგუნდელების მიმართ შეკითხვები მას შემდეგ, რაც ფარული სატელეფონო ჩანაწერები მოისმინა, გიორგი ქობულიამ უპასუხა, რომ მას შეკითხვები არ გასჩენია, რადგან მისი რწმენით, კომპანია დავალიანების გადახდისგან თავის არიდებას ცდილობს.

„ვალი რომ არ ჰქონდეს, ვიფიქრებდი, რომ ამ ხალხს არც ვალი აქვთ, ასეთი წესიერი ბიზნესმენები არიან და ასეთ ბრალდებებს გვიყენებენ და მოდით, გავერკვეთ, რაშია საქმე, მაგრამ მოდი, პირველი საკითხი მოვაგვაროთ და როცა მოგვაგვარებთ, მერე ვიფიქროთ სხვა საკითხებზე”,- აღნიშნა გიორგი ქობულიამ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო