საიას კვლევის თანახმად, კვლავ პრობლემაა, აღკვეთის ღონისძიების სახით პატიმრობისა და გირაოს დაუსაბუთებლად გამოყენება

საქართველოს ახალგაზრდა იურისტთა ასოციაციამ თბილისის, ქუთაისის, ბათუმის, გორისა და თელავის სასამართლოებისა და თბილისისა და ქუთაისის სააპელაციო სასამართლოების სისხლის სამართლის საქმეების მონიტორინგის შედეგების მე-12 ანგარიშის პრეზენტაცია წარადგინა. კვლევა 2017 წლის თებერვლიდან 2018 წლის მარტის პერიოდს მოიცავს.

კვლევის შედეგების მიხედვით, საანგარიშო პერიოდში კიდევ უფრო გაიზარდა ყველაზე მკაცრი აღკვეთის ღონისძიების - პატიმრობისა და გირაოს გამოყენების მაჩვენებელი.

საია-ს შეფასებით, კვლავ პრობლემაა აღკვეთის ღონისძიების სახით პატიმრობისა და გირაოს დაუსაბუთებლად გამოყენება.

"კვლევის შედეგების ყველაზე მნიშვნელოვანი ნაწილი რაც არის, ესაა აღკვეთი ღონისძიებებიდან ყველაზე მძიმე, პატიმრობის გამოყენების ტენდენციის მაჩვენებელი. ასევე, გირაოსთან დაკავშირებული საკითხები. როგორ ხდება გირაოს შეფარდება, ითვალისწინებს თუ არა პროკურატურა და აკეთებს თუ არა ერთგვარ მოკვლევას შეძლებს თუ არა კონკრეტული პირი ამ გირაოს გადახდას. ამ ანგარიშში პოზიტიური კუთხით გამოჩნდა ადამიანის უფლებათა დეპარტამენტის შექმნა შინაგან საქმეთა სამინისტროში. ასევე, გაიზარდა აღკვეთი ღონისძიებების გამოყენების რაოდენობა ოჯახში ძალადობის საქმეებზე. სასამართლო სისტემაში ბევრი პრობლემა კვლავ რჩება, მათ შორის მთავარი სხდომების გახსნა და გადადება. ვიმედოვნებთ, რომ ეს პრობლემები მოგვარდება და მომავალ ანგარიშებში უფრო მეტ პოზიტივზე მოგვიწევს საუბარი. ამისთვის, ცხადია, საჭიროა პოლიტიკური ნება და რიგ შემთხვევაში საკანონმდებლო ცვლილებები", - განაცხადა საია-ს ხელმძღვანელმა სულხან სალაძემ.

პრეზენტაციას ესწრებოდნენ იუსტიციის უმაღლესი საბჭოს წარმომადგენლები და მოსამართლეები. როგორც იუსტიციის საბჭოს მდივანმა აღნიშნა, რიგ საკითხებში საბჭოს არგუმენტები ექნება, თუმცა სასარგებლო რჩევებს გაითვალისწინებს.

"იუსტიციის უმაღლესი საბჭოს მიდგომა იქნება საქმიანი. ჩვენ ყურადღებით შევისწავლით ამ ანგარიშს, მოვუსმენთ. რიგ საკითხებთან დაკავშირებით, რა თქმა უნდა, გვექნება არგუმენტები, თუმცა სასარგებლო რეკომენდაციებს მივიღებთ და გავითვალისწინებთ,"- აღნიშნა მიქაუტაძემ.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო