საგამოძიებო სამსახურმა სამშენებლო კომპანია "სვეტის" დირექტორი,  გივი ჯიბლაძე დააკავა

ფინანსთა სამინისტროს საგამოძიებო სამსახურმა სამშენებლო კომპანია "სვეტის" დირექტორი, გივი ჯიბლაძე დააკავა.

როგორც „ინტერპრესნიუსს“ უწყებაში განუცხადეს, გამოძიება 180-ე მუხლითაა დაწყებული, რაც თაღლითობას გულისხმობს.

გავრცელებული ინფორმაციით, ჯიბლაძე დღეს, საკუთარი სახლიდან აიყვანეს.

საგამოძიებო სამსახურის ინფორმაციით, უწყება საკითხთან დაკავშირებით ოფიციალურ განცხადებას ცოტა ხანში გააკეთებს.

როგორც ცნობილია, „სვეტს“ ნებართვის გარეშე მშენებლობებს ედავებიან, რის გამოც კომპანიას მერიამ ყველა ობიექტის მშენებლობის უფლება შეუჩერა. „სვეტს“ ათეულობით მეანაბრის დავალიანება აქვს.

ფინანსთა სამინისტროს საგამოძიებო სამსახურმა „სვეტი დეველოპმენტიდან“ ამოღებული დოკუმენტაციის შესწავლა რამდენიმე თვის წინ დაიწყო. გამოძიება საცხოვრებელი ბინების შესაძენად მოქალაქეთა მიერ გადახდილი თანხების სავარაუდო მითვისების ფაქტზე მიმდინარეობს. დაზარალებული მენაშენეები რამდენიმე თვის განმავლობაში დახმარებას ითხოვდნენ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ